Búgin Qaraqalpaqstan Respublikası Mektepke shekemgi hám mektep bilimlendiriwi ministrliginde bilimlendiriw sistemasında ámelge asırılıp atırǵan reformalar hám jańa oqıw jılına tayarlıq máselelerine baǵıshlanǵan áhmiyetli májilis ótkerildi.

Májiliste Qaraqalpaqstan Respublikası Mektepke shekemgi hám mektep bilimlendiriwi ministri Amanjol Ayapov, ministrdiń orınbasarları, ministrliktiń bólim baslıqları hám juwapker qánigeler qatnastı.

 Kún tártibinde bilimlendiriw sistemasınıń búgingi kúndegi eń áhmiyetli baǵdarları hár tárepleme dodalandı.
Atap aytqanda:

➖ 2026-2027-oqıw jılı ushın 1-klassqa qabıllaw processin ashıq-aydın hám sistemalı túrde dawam etiw;
➖ Qánigelestirilgen mekteplerge kiriw imtixanların ádil hám ashıq ótkeriw;
➖ Pedagog xızmetkerlerdi attestaciyadan ótkeriw processlerin belgilengen tártip tiykarında shólkemlestiriw;
➖ Ulıwma bilim beriw mákemelerin jańa oqıw jılına puqta tayarlaw, bar kemshiliklerdi óz waqtında saplastırıw;
➖ Jaslar, ásirese, jas óspirimler arasında erte nekeleniw jaǵdaylarınıń aldın alıw boyınsha profilaktikalıq jumıslardı kúsheytiw;
➖ Bilimlendiriw mákemelerinde huqıqbuzarlıq hám jınayatshılıqtıń aldın alıw, qáwipsiz hám salamat ortalıqtı támiyinlew;
➖ Oqıwshı-jaslar qálbinde milletleraralıq tatıwlıq, óz-ara húrmet, keńpeyillik hám watansúyiwshilik sezimlerin bekkemlew boyınsha ámelge asırılatuǵın ilajlar boyınsha juwapkerlerge tiyisli tapsırmalar berildi.

Májilis juwmaǵında ministr tárepinen barlıq juwapkerlerge belgilengen wazıypalardı sapalı hám óz waqtında ámelge asırıw, bilimlendiriwdiń sapasın arttırıw hám jańa oqıw jılına hár tárepleme puqta tayarlıq kóriw boyınsha anıq tapsırma hám usınıslar berildi.