Qaraózek rayonında 3-sanlı mektep kapital ońlawdan shıǵarıldı!

Oqıwshılar ushın zamanagóy hám qolaylı bilimlendiriw sharayatların jaratıw jolında jáne bir áhmiyetli qádem!

Ózbekstan Respublikası Prezidentiniń PQ-393-sanlı qararı tiykarında Qoybaq APJ aymaǵında jaylasqan 3-sanlı ulıwma orta bilim beriw mektebiniń imaratında iri ońlaw jumısları ámelge asırıldı.

Bul jumıslar ushın 4 mlrd 513 mln sum qarjı ajıratılıp, qurılıs-ońlaw jumısları “Reverstroy” JShJ tárepinen orınlandı. Ońlaw jumısları juwmaqlanıp, mektep paydalanıwǵa tapsırıldı.

Jańalanǵan bilimlendiriw ornı oqıwshılar ushın jáne de qolaylı sharayatlar jaratıp, pedagoglarǵa nátiyjeli jumıs alıp barıw, jas áwladqa sapalı tálim-tárbiya beriw ushın jańa imkaniyatlar esigin ashadı.