Ótkerilip atırǵan Abu Rayxan Beruniy atındaǵı III xalıqaralıq ximiya olimpiadası sheńberinde xalıqaralıq tájiriybe almasıw ushın Nókis qalası 55-sanlı ulıwma orta bilim beriw mektebinde master-klass shólkemlestirildi.
Ilajǵa Pán olimpiadaları orayınıń direktorı Toraboy Shermatov, Qaraqalpaqstan Respublikası Mektepke shekemgi hám mektep bilimlendiriwi ministriniń birinshi orınbasarı Aybek Dauletbaev, sonday-aq, ARBICHO 2026 Ilimiy komitetiniń aǵzaları Ben Pilgrim, Behzodbek Boltayev hám Mirumid Mirakbarov, olimpiadanıń xalıqaralıq ilimiy komiteti aǵzaları hám de 100 den artıq ximiya páni muǵallimleri qatnastı.
Ushırasıw dawamında oqıwshılardı xalıqaralıq olimpiadalarǵa tayarlawdıń nátiyjeli usılları, áhmiyetli temalar hám itibar qaratılıwı kerek bolǵan tárepler boyınsha pikir alısıldı.
Sonday-aq, burınǵı xalıqaralıq olimpiada jeńimpazları óz jetiskenlikleri, olarǵa erisiw jolındaǵı mashaqatlı processler hám tájiriybeleri menen pikir almastı.

















