Nókis qalasındaǵı 1-sanlı ulıwma orta bilim beriw mektebinde “Kitapqumar-kitapxanashı” tańlawınıń Respublikalıq basqıshına start berildi.
Tańlawdıń ashılıw máresiminde ministrdiń birinshi orınbasarı Aybek Dauletbaev, juwapker xızmetkerler hám tańlawdıń rayon (qala) basqıshında jeńimpazlıqtı qolǵa kirgizgen qatnasıwshılar qatnastı.
Respublika basqıshı 4 shárt tiykarında shólkemlestiriledi:
1️⃣-shárt. Qatnasıwshılar ózleri jumıs alıp barıp atırǵan bilimlendiriw mákemesinde ámelge asırılǵan jumıslar boyınsha prezentaciya ótkeredi.
2️⃣-shárt. Informaciya-kommunikaciya texnologiyalarınan nátiyjeli paydalanıw kónlikpeleri bahalanadı.
– Onda qatnasıwshılar sanlı kitapxana hám de kutubxona.uzedu.uz elektron platformasınan paydalanıw boyınsha tapsırmalardı orınlaydı.
3️⃣-shárt. Elektron random platforması arqalı tańlanǵan san tiykarında ekranda shayırdıń súwreti kórsetiledi.
– Qatnasıwshılar bul shayırdıń kim ekenligi, ómiri, dóretiwshiligi hám shıǵarmaları haqqında maǵlıwmat beredi.
4️⃣-shárt. “Salamat denede — salamat aqıl” principi tiykarında qatnasıwshılardıń sport sheberligi hám fizikalıq belsendiligi sınaqtan ótkeriledi.
Tańlaw dawam etpekte. Barlıq qatnasıwshılarǵa áwmet, joqarı nátiyjeler hám tabıslar tileymiz!

















