Respublikamızda 2022-jıldıń 1-iyul sánesindegi maǵlıwmatlar boyınsha, jámi 325 transport xızmetin kórsetiw shólkemleri jumıs islemekte. Olarda jámi 4580 avtomobil bar. Sonıń 268 i avtobus, 95 i mikroavtobus, 3882 si jeńil transport, 335 i júk tasıwshı avtomobiller bolıp esaplanadı. Jámi 474 marshrut boyınsha xızmet kórsetilmekte. Sonnan, ishki marshrutlardıń sanı 295, basqa rayon hám qalalararalıq marshrutlardıń sanı 179 ǵa jetti. Bıyıl 6 ay dawamında avtomobil transportında 16,0 million tonna xalıq xojalıǵı júkleri tasılıp, ótken jıldıń usı dáwirine salıstırǵanda 103,1 procentti quradı,-deydi Qaraqalpaqstan Respublikası Ekonomikalıq rawajlandırıw hám kámbaǵallıqtı qısqartıw ministriliginiń aymaqlıq sanaattı rawajlandırıw bóliminiń bas qánigesi A.Orınbetova. – Júk aylanısı 413,0 mln.tn/km-di qurap, ósim páti 103,6 procentke jetpekte. Jeke menshik transport iyeleri tárepinen 5,2 million tonna júk, al, avtomobil trasportında 31,9 million jolawshı tasılǵan.   Qaraqalpaqstan xabar agentligi