Respublikalıq Pedagogikalıq sheberlik orayında xalıqaralıq izertlewlerge tayarlıq sheńberinde «Oqıw sawatlılıǵı kónlikpelerin rawajlandırıw hám bahalaw» atamasında 3 kúnlik seminar-trening ótkerilmekte. Onda ulıwma orta bilim beriw mektepleri direktorlarınıń orınbasarları, baslawısh bilim beriwdiń 4-klass muǵallimleri hám de mentor-oqıtıwshılar qatnaspaqta. Jámi 54 pedagog seminar-treningke qamtıp alınǵan. Seminar-treningtiń tiykarǵı maqseti – xalıqaralıq izertlewler nátiyjeleri tiykarında qáliplestirilgen ámeliy kózqaraslar arqalı oqıwshılarda oqıp túsiniw kónlikpelerin rawajlandırıw, sonday-aq, olardı nátiyjeli bahalaw usılların pedagoglarǵa jetkeriwden ibarat. Trening dawamında qatnasıwshılar teoriyalıq bilimler menen bir qatarda, ámeliy shınıǵıwlar arqalı óz kónlikpelerin arttırmaqta.