RASMIY MUNOSABAT
Ijtimoiy tarmoqlarda Nukus shahridagi 12-sonli umumiy o‘rta ta’lim maktabida o‘qituvchilar mehnat ta’tilida bo‘lishiga qaramasdan ishga jalb etilgani hamda ulardan maktab ta’miri uchun pul yig‘ilgani haqidagi murojaat yuzasidan quyidagilarni ma’lum qilamiz.
Mazkur murojaat Qoraqalpog‘iston Respublikasi Maktabgacha va maktab ta’limi vazirligi tomonidan nazoratga olinib, holat yuzasidan xizmat o‘rganishi o‘tkazildi.
O‘rganish natijalariga ko‘ra, Nukus shahridagi 12-sonli umumiy o‘rta ta’lim maktabining matematika fani o‘qituvchisi 2026-yil 1-iyun sanasidan boshlab mehnat ta’tiliga chiqqani aniqlandi. Biroq 9–11-sinf o‘quvchilarining yakuniy davlat attestatsiyasini o‘tkazish bo‘yicha komissiya tarkibiga kiritilgani sababli, 2026-yil 15-iyun kuni o‘qituvchining roziligi bilan, amaldagi mehnat qonunchiligi talablariga muvofiq hamda ish haqi saqlangan holda xizmat vazifasini bajarishga jalb etilgan.
Shuningdek, murojaatda keltirilgan maktab ta’miri uchun o‘qituvchilardan pul yig‘ilgani haqidagi ma’lumotlar o‘rganildi. O‘rganish yakunlariga ko‘ra, mazkur holat o‘z tasdig‘ini topmadi.
Yuqoridagilardan kelib chiqib, ijtimoiy tarmoqlarda tarqalgan murojaatda keltirilgan ma’lumotlar o‘tkazilgan o‘rganish natijalariga ko‘ra o‘z tasdig‘ini topmaganligini ma’lum qilamiz.
