Sociallıq tarmaqlar arqalı 2025-jıl 26-mart kúni Moynaq rayonı 18-sanlı ulıwma orta bilim beriw mektebinde kitap satqanlıǵı haqqında múrajat tarqaldı. Bul múrajat Qaraqalpaqstan Respublikası Mektepke shekemgi mektep bilimlendiriw ministrligi tárepinen qadaǵalawǵa alınıp úyrenip shıǵıldı. Úyreniw dawamında Úrgensh kitap orayı tárepinen 60 atamadaǵı ádebiy kitaplar ulıwma orta bilim beriw mekteplerine kitap akciyasın ótkeriw maqsetinde tarqatılǵan. Akciya dawamında kitap satıp alıw májbúriy bolmaǵan. Ata-analar hám de qáwenderler tárepinen kitap kitap satıp alınbaǵanlıǵı sebepli usı jıldıń 3-mart kúni kitaplar jıynap alınıp Úrgensh kitap orayına qaytarıp berilgen. Usı kitap akciyasın shólkemlestirgende qáte-kemshiliklerge jol qoyǵan juwapker xızmetkerler Moynaq rayonı Mektepke shekemgi hám mektep bilimlendiriw bóliminiń sabaqlıqlar boyınsha metodisti B.Ikmetullaev, Moynaq rayonı 18-sanlı ulıwma orta bilim beriw mektebi direktorı w.w.a Í.Ayaganov hám de usı mekteptiń 4-klass basshısı Z.Ametovaǵa intizamiy jaza sharası qollanılǵanlıǵın málim etip bildiremiz. QR Mektepke shekemgi hám mektep bilimlendiriw ministrliginiń Málimleme xızmeti