Ózbekstan Respublikası Prezidentiniń 2020-jıl 24-yanvardaǵı PP-5924-sanlı Pármanında belgilengen wazıypalardıń orınlanıwın támiyinlew maqsetinde hápteniń hár juma kúni “Jeke úlgi” principi tiykarında piyada júriw akciyaları hám azanǵı dene tárbiya shınıǵıwları turaqlı shólkemlestirilip kelinbekte.
Búgin Qaraqalpaqstan Respublikası Mektepke shekemgi hám mektep bilimlendiriwi ministrligi, sonday-aq, Nókis qalası Mektepke shekemgi hám mektep bilimlendiriw bólimi xızmetkerleri, paytaxtımızdaǵı barlıq mektepke shekemgi bilimlendiriw shólkemleri hám ulıwma orta bilim beriw mektepleriniń pedagogları “Salamatlıq ushın 5000 qádem” súreni astında shólkemlestirilgen ǵalabalıq piyada júriw akciyası hám azanǵı dene tárbiyası shınıǵıwlarına belsene qatnastı.
Bul ilaj salamat turmıs tárizin keńnen úgit-násiyatlaw, fizikalıq belsendilikti arttırıw hám bilimlendiriw sisteması xızmetkerleri arasında sport hám salamatlıq mádeniyatın bunnan bılay da rawajlandırıwǵa xızmet etpekte.
