Búgin Nókis qalası 8-sanlı ulıwma orta bilim beriw mektebinde Qaraqalpaqstan Respublikası Mektepke shekemgi hám mektep bilimlendiriw ministrligi tárepinen «Jańa bahalaw sistemasınıń áhmiyetli wazıypaları» atamasındaǵı seminar shólkemlestirildi.

Seminarǵa Qaraqalpaqstan Respublikası Mektepke shekemgi hám mektep bilimlendiriw ministri G.Kojabaeva, jańa bahalaw sisteması engizilgen 78 ulıwma bilim beriw mektep direktorları hámde Nókis qalasındaǵı jańa bahalaw engizilgen mekteplerdiń ata-analar komiteti aǵzaları qatnastı.

Ministr G.Kojabaeva sózge shıǵıp, jańa bahalaw sistemasınıń áhmiyetli wazıypaları, ámeldegi bahalaw menen házirgi jańa bahalawdıń ayırmashılıǵı haqqında seminar qatnasıwshılarına keńnen maǵlıwmat berildi.

 Bul bahalaw sistemasın Prezident hám qánigelestirilgen mektepleri oqıw baǵdarlamaların ulıwma bilim beriw mekteplerine engiziw boyınsha usınıs hám pikirler bildirildi.

Sonıń menen bir qatarda Nókis qalası 8-sanlı mektebindegi jańa bahalaw sistemasın ámeliyatqa engiziwde ótken hám bıyılǵı oqıw jıllarında ámelge asırılǵan jumıslar barısı menen tanıstırıldı.