RÁSMIY MÚNÁSIBET

Sociallıq tarmaqlar arqalı Qaraqalpaqstan Respublikası Pedagogikalıq sheberlik orayınıń jataqxanası boyınsha sın video material tarqaldı.
Tarqalgan video material boyınsha jaǵday Qaraqalpaqstan Respublikası Pedagogikalıq sheberlik orayı tárepinen qadaǵalawǵa alınıp, úyreniw jumısları alıp barıldı.
Úyreniwler dawamında bul jaǵdaydıń mart ayında qanigelik arttırıwǵa rayonnan kelgen oqıtıwshılardı jataqxanaǵa jayǵastırıw waqıtında bolǵanlıǵı hám oqıtıwshılarǵa krovatlar bir saat keshigip berilgenligi hám bul jaǵday boyınsha tıńlawshılar shaǵım etpegenligi anıqlandı.
Sol waqıttıń ózinde qate-kemshilikler saplastırılıp, Qaraqalpaqstan Respublikası Pedagogikalıq sheberlik orayı juwapker xızmetkerleri tárepinen tıńlawshılar ushın barlıq shárayatlar jaratıp berildi.

Qaraqalpaqstan Respublikası Mektepke shekemgi hám mektep bilimlendiriw ministrliginiń Málimleme xızmeti