Búgin 2-sanlı qánigelestirilgen mektepte Qaraqalpaqstan Respublikası Mektepke shekemgi hám mektep bilimlendiriw ministrliginiń xızmetkerleri, Prezident mektebi hám qánigelestirilgen mekteplerdiń trener oqıtıwshıları tárepinen “Xalıqaralıq hám milliy tájiriybeler tiykarında oqıw processleriniń sapalı hám nátiyjeli shólkemlestiriliwin jáne de jetilistiriw” atamasında seminar ótkerilmekte. Seminarǵa respublikadaǵı jańa bahalaw sisteması engizilgen jámi 78 ulıwma orta bilim beriw mektepleriniń direktor orınbasarları qatnaspaqta.
Qánigelestirilgen bilimlendiriw mákemeleri (Prezident hám qánigelestirilgen mektep) agentligi sistemasındaǵı bilimlendiriw mákemeleriniń oqıwshıların bahalaw tártibi 2023-2024-oqıw jılınan Qaraqalpaqstan Respublikasında 34 ulıwma bilim beriw mekteplerinde, 2024-2025-oqıw jılınan 44 ulıwma bilim beriw mekteplerinde oqıwshılardıń bilimin bahalawdıń jańa tártibi engizildi.
Házirgi kúnde, Qaraqalpaqstan Respublikasında jámi 78 mektepte jańa bahalaw sistemasında oqıwshılardıń bilimlerin bahalap hám jańa sistema oqıtıwshılardıń óz ústinde islewi, izleniwi hám oqıwshılarda bilimlendiriw sapası kórsetkishleriniń jaqsılanıwına alıp kelmekte.
Máselen, 2024-2025-oqıw jılı 1-sherektiń juwmaqları boyınsha
5-11-klass oqıwshılarınıń shereklik summativ bahalaw nátiyjeleri ortasha 55,8 procentti kórsetken bolsa, 4-sherektiń juwmaqları boyınsha 66,5 procentti kórsetip, nátiyjeler oqıw jılı juwmaǵında + 10,7 procentke arttırıldı.
Jańa sistemanıń nátiyjeliligin esapqa alıp, 2025-2026-oqıw jılınan oqıwshılardıń bilimin bahalawdıń jańa tártibin 122 ulıwma bilim beriw mekteplerinde engiziw rejelestirilip, jańa 2025-2026-oqıw jılınan mekteplerdiń sanı 200 ge jetkeriliwi rejelestirilgen.
“Xalıqaralıq hám milliy tájiriybeler tiykarında oqıw processleriniń sapalı hám nátiyjeli shólkemlestiriliwin jáne de jetilistiriw” atamasındaǵı seminar-trening ulıwma bilim beriw mektepleri hám qánigelestirilgen bilimlendiriw mákemeleriniń oqıw isleri boyınsha direktor orınbasarlarınıń kásiplik potencialın arttırıw, aldınǵı xalıqaralıq hám milliy tájiriybeler tiykarında oqıw processlerin nátiyjeli shólkemlestiriw kónlikpelerin rawajlandırıw, kriteriyalarǵa tiykarlanǵan bahalaw sisteması, sanlı resurslardan paydalanıw hám de mekteplerde metodikalıq xızmet kórsetiwdi shólkemletiriw maqset etip belgilendi.
Seminar-trening, interaktiv metodlar, prezentaciyalar, tájiriybe almasıw, topar shınıǵıwları tiykarında alıp barılmaqta.
