Jaqında Qaraqalpaqstan Respublikası Joqarǵı Keńesi baslıǵı Ámiwdáryalı jaslar menen ushırasıwında Ámiwdárya rayonı 40-sanlı ulıwma orta bilim beriw mektebiniń 10-klass oqıwshısı S.Narbaeva “Úmit ushqını” kókirek belgisi menen sıylıqlandı.

Narbaeva Sarbinaz- usı kúnge shekem erisken jetiskenlikleri menen teńleslerine órnek bolıp kelmekte,-desek qátelespeymiz. Sonday-aq, Sarbinaz “Zukko intiluvchi 2025” kókirek belgisi iyesi, “Aqıllı kitapqumar” tańlawınıń úsh márte jeńimpazı, “Jas kitapqumar” tańlawınıń aymaqlıq basqıshınıń jeńimpazı hám Cefr B2 dárejesindegi sertifikat iyesi!

Oqıwshımız Narbaeva Sarbinazdı bul erisken jetiskenlikleri menen qutlıqlaymız, jáne de onı usı dárejege shekem jetkergen ata-anasına hám bilim bergen ustazlarına mıń alǵıs aytamız! Sarbinazǵa ele de joqarı jetiskenlikler tilep qalamız!