Qaraqalpaqstan Respublikası Mektepke shekemgi hám mektep bilimlendiriwi ministrligi málimleme xızmeti.
2025-jil 14-avgust.
2025-jıl 14-avgust kúniQaraqalpaqstan RespublikasıMektepke shekemgi hám mektep bilimlendiriwi ministrligi tárepinen “Sheber muǵallim – millet tayanıshı” súreni astında dástúriy “IV Muǵallimler milliy forumı” shólkemlestirilmekte.
Bul Forumnıń ózlestirilgen tiykarǵı maqseti, sistemada alıp barılıp atırǵan reformalar, bilimlendiriwdiń mazmunın jetilistiriw, oqıw qaǵıydaları, oqıw baǵdarlamaları, sabaqlıqlar, oqıw procesine engiziletuǵın aldınǵı metodikalar menen pedagoglardı talqılawdan ibarat.
Forum dástúriy túrde avgust ayında respublika, wálayatlar, rayon (qala) lar, mektepler kóleminde ótkerilip kelinbekte.
Bıyılǵı Forumnıń Respublikalıq basqıshı Nókis qalası Kardar mektebinde ótkerilip, onda aymaqlardan 354 aldıńǵı, intaker, jetekshi muǵallim hám tárbiyashılar qatnasadı.
Bul Forumnıń dawamı kaskad usılında 19-20-avgust kúnleri rayon (qala) lar kóleminde, 25-29-avgust kúnleri barlıq bilimlendiriw mákemelerinde shólkemlestiriliwi rejelestirilgen.
Ilaj sheńberinde hár qıylı pán baǵdarlarında sekciya sabaqları shólkemlestiriledi hám ulıwma bilim beriw mektepleriniń saylanǵan pedagogları, Prezident hám qánigelestirilgen mekteplerdiń aldınǵı muǵallimleri menen birgelikte tayarlanǵan master-trenerler tárepinen alıp barıladı.
Sonday-aq, Forumda:
– oqıw maqsetleri, jańa oqıw-metodikalıq kompleksler sharhi hám tájiriybelerden paydalanıw boyınsha analizler;
– sabaqlıqlarda qollanılgan aldınģı metodikalar;
– Qubla Koreya tájiriybesi tiykarında mektepke shekemgi jas óspirim balalardı rawajlandırıwda innovaciyalıq qatnasıqlar – oyın tiykarlanǵan bilimlendiriw;
– baslanģish bilim beriwde informatika hám málimleme texnologiyaların oqıtıwdıń zamanagóy quralları;
– bilimlendiriwdegi zamanagóy qatnasıqlar, úlgi-sabaq shólkemlestiriw hám onı talqılaw, kriteriyalarǵa tiykarlanǵan bahalaw sistemasınıń maqsetiniń hám mánisi;
– joybarǵa tiykarlanǵan bilimlendiriw, eMektep platformasınan paydalanıw imkaniyatları boyınsha trening sabaqları shólkemlestiriledi.
Maǵlıwmat ushın, Qaraqalpaqstan Respublikasında búgingi kúnde 726 mektepte 363 mıń 532 oqıwshıǵa 38 mıń 878 oqıtıwshı hám ustazlar tálim-tárbiya berip kelmekte.
