Búgin, 18-avgust kúni Nókis mámleketlik Pedagogikalıq institutında 78 mektepte jańa bahalaw sistemasında oqıwshılardıń bilimin bahalaw ámelge asırılǵan hám mektepte jańa bahalaw sistemasında oqıwshılardıń bilimin bahalaw ámelge asırılatuǵın 156 mektepleriniń direktorı hám olardıń oqıw isleri boyınsha direktor orınbasarları qatnasıwında sekciyalarǵa bólingen halda jámi 468 qatnasıwshıǵa, Ózbekstan Respublikası mektepke shekemgi hám mektep bilimlendiriw ministrliginiń tiyisli qánigeleri tárepinen oqıw-seminar shólkemlestirildi.

Ilajǵa Qaraqalpaqstan respublikası Mektepke shekemgi hám mektep bilimlendiriw ministriniń birinshi orınbasarı A.Dauletbaev qatnastı.

Házirgi kúnde ulıwma orta bilim beriw mekteplerin basqıshpa-basqısh oqıwshılardıń bilimin bahalawdıń jańa tártibine ótkerilmekte, Ózbekstan Respublikası boyınsha usı kúnge shekem 1500 mektepte jańa bahalaw sistemasında oqıwshılardıń bilimin bahalaw ámelge asırılǵan bolsa, 2025-2026-oqıw jılında 1800 mektep qosılıp jámi 3300 ge jetkeriw rejelestirilgen.

Al, Qaraqalpaqstan Respublikasında bolsa 2023-2024-oqıw jılında Respublikamızda 34 ulıwma bilim beriw mekteplerinde jańa bahalaw sisteması engizilgen bolsa, 2024-2025-oqıw jılında 44 ulıwma bilim beriw mektepleri jańadan qosılıp, házirgi kúnde 78 mektepte jańa bahalaw sistemasında oqıwshılardıń bilimin bahalaw ámelge asırılmaqta.

Sonday-aq, 2025-2026-oqıw jılınan oqıwshılardıń bilimin bahalawdıń jańa tártibin 156 ulıwma bilim beriw mektebinde engiziw rejelestirilip, mekteplerdiń sanı Qaraqalpaqstan Respublikası boyınsha 234 ke (32,2%) jetkeriliwi belgilengen.

Búgingi ótkerilip atırǵan oqıw-seminarda Ózbekstan Respublikası mektepke shekemgi hám mektep bilimlendiriw ministrliginiń tiyisli qánigeleri hám trinerler tájiriybelerin bólisiw ushın qatnaspaqta.