✅ Qaraqalpaqstan Respublikası Mektepke shekemgi hám mektep bilimlendiriw ministrligine qaraslı ulıwma orta bilim beriw mektepleri, Qánigelestirilgen bilimlendiriw mákemeleri agentligine qaraslı qánigelestirilgen mektepler, Prezident mektebi, I.Yusupov atındaǵı dóretiwshilik mektep-internatınıń aldınǵı tájiriybege iye pán muǵallimleri hám pedagogları arasında «V dóretiwshi oqıtıwshılar olimpiadası»nа start berilmekte. ➡️ Bunda olimpiadanıń rayon (qala)lıq basqıshı 2025-jıldıń 11-noyabr kúni rayon (qala)larda, Qaraqalpaqstan Respublikası basqıshı 2025-jıldıń 18-noyabr kúni Nókis qalası 55-sanlı ulıwma orta bilim beriw mektep bazasında ótkeriliwi rejelestirilgen. ➡️ «V dóretiwshi oqıtıwshılar olimpiadası»na 5 adamnan ibarat 1 komanda bolıp qatnasadı. Komanda quramına óz ixtiyarı menen mektep direktorı, direktor orınbasarı, psixolog, pán muǵallimleri kiritiliwi múmkin. ➡️ Egerde onlayn dizimnen ótken komandalar sanı artıp ketken jaǵdayda olimpiadanıń tańlap alıw basqıshın 2025-jıldıń 7-noyabr kúni ótkeriwge ruqsat etiledi. Bunda tańlap alıw basqıshınıń ótkeriw tártibin rayon (qala)lıq shólkemlestiriw komiteti belgileydi. ➡️ Komandalar ushın www.kkbilimlendiriw.uz platforması arqalı onlayn dizimnen ótiw 2025-jıldıń 1-noyabr kúni sааt 09:00 de baslanadı hám 4-noyabr kúni sааt 22:00 de toqtatıladı; ❗️Maǵlıwmat ushın: ✅ Komanda quramında bir pánnen 2 muǵallim qatnasıwına ruqsat etilmeydi; ✅ Olimpiada da qatnasıw májbúriy emes. 📣📣📣 Olimpiadanıń rayon (qala)lıq basqıshın ótkeriw shártleri📣📣📣: ➡️ 1-tur: hárbir qatnasıwshılarǵa qaraqalpaq yamasa ózbek tilinde tayarlanǵan 30 test sorawları (15 sorawı qánigeligi boyınsha, 10 sorawı pedagogika-psixologiya hám 5 sorawı bilimlendiriw tarawında jańadan qabıl etilgen normativ-huqıqıy hújjetler) beriledi hám hárbir test 1 balldan maksimal 30 ball menen bahalanadı; ✅ Test sorawları elektron programma tiykarında kompyuterlerde alınadı; ✅ Hárbir sorawǵa 2 minuttan jámi 60 minut waqıt ajıratıladı; ✅ Bunda hárbir komanda aǵzasınıń balı qosıladı hám 5 ke bólinedi, kelip shıqqan ortasha ball komandanıń ulıwma balı bolıp esaplanadı. ✅ Birinshi tur juwmaǵı boyınsha ortasha ball esabınan eń tómen ball toplaǵan 30% (payız) komanda 2-turǵa ótkerilmeydi. ➡️ 2-tur: qatnasıwshılar óz qálewı menen qaraqalpaq yamasa ózbek tilinde tayarlanǵan 60 sózden ibarat diktant jazadı. ✅ Diktantqa hárbir komanda aǵzası qatnasadı, diktant jumısın bahalaw kriteriyaları tiykarında maksimal 20 ball menen bahalanadı, 30 minut waqıt ajıratıladı. ✅ Bunda hárbir komanda aǵzasınıń balı qosıladı hám 5 ke bólinedi, kelip shıqqan ortasha ball komandanıń ulıwma balı bolıp esaplanadı. ➡️ Olimpiadanıń rayon (qala)lıq basqıshında jeńimpazlardı anıqlawda 1-tur nátiyjesi esapqa alınbaydı. ☎️ Qosımsha maǵlıwmat ushın 97 347-83-83 telefonı (Usenova Zaxida) arqalı qońıraw etseńiz boladı.
