Búgin Qaraqalpaqstan Respublikası Mektepke shekemgi hám mektep bilimlendiriwi ministrlig hám Ayrıqsha jaǵdaylar basqarması wákilleri menen birgelikte Nókis qalası 55-sanlı ulıwma orta bilim beriw mektebinde ayrıqsha jaǵdaylar júz bergende puqaralıq qorǵaw hám órt qáwipsizligin támiyinlewge qaratılǵan arnawlı taktikalıq oqıw shınıǵıwları ótkerildi.

Belgilengen reje tiykarında shólkemlestirilgen ilajda imarat ishindegi xızmetkerlerdi hám oqıwshılardı qáwipsizlik qaǵıydalarına ámel etken halda qáwipsiz aymaqqa shártli evakuaciyalaw jumısları alıp barıldı.

Sonday-aq, ayrıqsha jaǵdaylarda imarattan qáwipsiz shıǵıp ketiw, jaraqatlanǵan nawqaslarǵa dáslepki medicinalıq járdem kórsetiw hámde órt qáwipsizligine qatań ámel etiw boyınsha qánigeler tárepinen xızmetkerlerge áhmiyetli usınıslar berip ótildi.