📍 Usı jıldıń 12-may kúni Beruniy rayonında tájriybe-sınaw kórinisinde ótkerilgen “Eń úlgili mektepke shekemgi bilimlendiriw shólkemi direktorı” kórik-tańlawı mektepke shekemgi tálim sistemasında innovaciyalıq basqarıw hám aldınǵı tájiriybelerdi keńnen engiziwge qaratıldı.

✅ Qaraqalpaqstan Respublikası mektepke shekemgi hám mektep bilimlendiriw ministri orınbasarı M.Shlımbetova, Ájiniyaz atındaǵı Nókis mámleketlik pedagogikalıq institutınıń Pedagogika ilimleri boyınsha filosofiya doktorı (PhD) docent D.Gaipov, Qaraqalpaqstan Respublikası pedagogikalıq sheberlik orayı metodikalıq xızmet kórsetiw bólimi mektepke shekemgi tálim metodisti A.Otarbaev, ministrliktiń juwapker xızmetkerleri, sonday-aq, barlıq rayon (qala)lıq mektepke shekemgi hám mektep bilimlendiriw bólimlerinen metodist hám eń tájriybeli direktorları qatnastı.

Kórik-tańlaw dawamında qatnasıwshılar:
➖ portfolio prezentaciyası,
➖ avtorlıq basqarıw joybarları,
➖ mashqalalı jaǵdaylar tiykarında basshılıq sheberligin kórsetti.

Tańlawdıń tiykarǵı maqseti – mektepke shekemgi bilimlendiriw shólkemleri basshılarınıń basqarıw nátiyjeliligin arttırıw, innovaciyalıq kózqaraslardı qollap-quwatlaw hám tálim sapasın joqarılatıwdan ibarat boldı.

✅ Ilaj juwmaǵında jeńimpazlar anıqlandı.
Onda:

🥇-orın Beruniy rayonı 3-sanlı mektepke shekemgi bilimlendiriw shólkemi direktorı Jumatova Yulduz“Basqarıw sheberligi hám innovaciyalıq joybarlardı en jaydırıwshı direktor” nominaciyası;

🥈-orın Beruniy rayonı 5-sanlı mektepke shekemgi bilimlendiriw shólkemi direktorı Raxmanova Roza “Eń jaqsı oylap tabıwshı direktor” nominaciyası;

🥉-orın – Beruniy rayonı 10-sanlı mektepke shekemgi bilimlendiriw shólkemi direktorı Sheripbaeva Dilfuza “Pedagog kadrlar menen birge islesiwdi eń belsendi direktor” nominaciyası boyınsha jeńimpaz boldı.

✅ Kórik-tańlawda sıylı orındı iyelegen mektepke shekemgi bilimlendiriw shólkemi direktorları ministrliktiń maqtaw qaǵazı hám bahalı sawǵalar menen sıylıqlandı.