Taqıyatas rayonında mámleketlik-jeke menshik sheriklik tiykarında jumıs alıp barıp atırǵan «Dochki-Sinochki» mámleketlik emes mektepke shekemgi bilimlendiriw shólkeminde «Ta’rbiyashilardin’ is hu’jjetleri ha’m balalardin’ salamat awqatlaniwi » sheńberinde seminar shólkemlestirildi. Seminarda Qaraqalpaqstan Respublikası Mektepke shekemgi hám mektep bilimlendiriw ministrliginiń qánigeleri, Taqiyatas rayonı Mektepke shekemgi hám mektep bilimlendiriw bóliminiń juwapkerleri, Sanitariyalıq-epidemiologiyalıq tınıshlıq hám jámiyetlik salamatlıq bóliminiń shıpakerleri, mámleketlik-jeke menshik sheriklik tiykarındaǵı hám shańaraqlıq mámleketlik emes mektepke shekemgi bilimlendiriw shólkemleriniń tárbiyashıları, aspazları hám autsorsing tiykarında ónim jetkerip beriwshi támiynatshı isbilermenler qatnastı. Bul seminardı ótkeriwden maqset, mámleketlik emes mektepke shekemgi bilimlendiriw shólkemlerinde salamat awqatlandırıwdı shólkemlestiriw hám tálim-tárbiya processlerin durıs alıp barıw, mektepke shekemgi bilimlendiriw shólkemlerinde jazǵı salamatlandırıw dáwirinde, tárbiyalanıwshılardıń qáwipsizligi, olardıń ómiri hám densawlıǵın saqlaw, jumıs rejimin shólkemlestiriw, mámleketlik emes mektepke shekemgi bilimlendiriw shólkemleriniń asxanalarında jumıs alıp barıp atırǵan aspazlar ushın salamat awqatlanıwdı shólkemlestiriwde awqatlar tayarlaw texnologiyası qaǵıydalarına ámel etiw baslı ma’selelerimizdin’ biri!