Búgin social tarmaqlar arqalı Tórtkúl rayonı 30-sanlı ulıwma orta bilim beriw mektebiniń “Kompyuterler jeterli, biraq klass bólmeleri ońlawǵa mútáj jaǵdayda” atamasında sın material járiyalandı.

Járiyalanǵan material boyınsha Qaraqalpaqstan Respublikası Mektepke shekemgi hám mektep bilimlendiriw ministrligi tárepinen qadaǵalawǵa alınıp úyreniw jumısları alıp barıldı.

Úyreniw dawamında Tórtkúl rayonı “Tashkent” MPJ jaylasqan 30-sanlı ulıwma orta bilim beriw mektebi 1984-jılı joybar tiykarında 1176 orınlıq etip 12×24 ólshemli sport zal menen birge qurılǵan, házirgi waqıtta 1642 oqıwshı tálim-tárbiya almaqta. 2013-jili Mámleketlik Investiciya baǵdarlaması tiykarında 697,0 mln. sum qarjı ajıratılıp kapital qurılıs ońlaw jumısları alıp barılǵan. Bunnan tısqarı, jergilikli byudjet qarjıları esabınan 2018-jılı mektep átirapın qorshaw (devor) jumısları islengen. Múrájatta kórsetilgen klass xanalarındaǵı jaramsız jaǵdayǵa kelip qalǵan kórinisler ótken jılǵı video ekenligi, búgingi kúnde klass xanalarınıń linoleumlar (pol bólegi) qáwenderler esabınan jańasına almastırılǵan hám kemshilikler saplastırılǵan.

Sonday-aq, usı mektep imaratın tolıq ońlaw jumısların alıp barıw boyınsha 2026-2028-jıllarda ámelge asırılatuǵın Sociallıq óndiris infrastrukturasın rawajlandırıw baǵdarlamasına usınıs kiritilgen.

2025-jılı 17-fevral kúngi Qaraqalpaqstan Respublikası Mektepke shekemgi hám mektep bilimlendiriw ministriniń arnawlı buyrıǵına tiykar R.Ganiev Tórtkúl rayonı 30-sanlı ulıwma orta bilim beriw mektep direktorı lawazımına tayınlanǵanlıǵın málim etip bildiremiz.

QR Mektepke shekemgi hám mektep bilimlendiriw ministrliginiń Málimleme xızmeti